24.06.2025

Էլեկտրաէներգետիկ շուկայի ազատականացում․ Ովքե՞ր և ե՞րբ պետք է ընտրեն մատակարար

2022 թվականի փետրվարի 1-ից Հայաստանի էլեկտրաէներգետիկ ոլորտը սկսեց աշխատել նոր սկզբունքներով․ ոլորտն ազատականացվեց։

Այժմ էլեկտրաէներգիան գնում են ոչ թե ֆիքսված մատակարարից՝ կարգավորված գնով, այլ՝ բաց շուկայից, որտեղ մատակարարներն իրար հետ մրցում են լավագույն գների և պայմանների համար։

Նպատակը մեկն է՝ ստեղծել ավելի արդար, թափանցիկ և մրցունակ դաշտ, որը շահավետ է թե՛ շուկայի, թե՛ սպառողների համար։

Նկար 1

Ինչո՞ւ է սա կարևոր

Սպառողը ստանում է իրական ընտրության իրավունք
Մատակարարները սկսում են առաջարկել նոր լուծումներ և մրցակցային գներ
Շուկան դառնում է ավելի բաց ներդրումների համար
Գինը ձևավորվում է պահանջարկի և առաջարկի հիման վրա, այլ ոչ թե միայն պետական կարգավորմամբ

Նկար 2

Ովքե՞ր և ե՞րբ պետք է ընտրեն մատակարար

Ազատ շուկայում պարտադիր մատակարար ընտրելը կատարվում է փուլային՝ կախված Ձեր բիզնեսի տարեկան սպառման ծավալից։

1) Հաղորդման ցանցին կամ Արտադրողին միացած, կամ 110 կՎ և բարձր լարման բոլոր այն սպառողները, որոնք նախորդ օրացուցային տարում իրենց Հաղորդման ցանցի կամ Արտադրողի կամ 110 կՎ լարման բոլոր Առևտրային հաշվառքի սարքերով ունեցել են 1 մլն կՎտժ և ավելի սպառում՝ մինչև 2023 թվականի փետրվարի 1-ը,

2) 35 կՎ լարման այն Սպառողները, որոնք նախորդ օրացուցային տարում իրենց 35 կՎ լարման բոլոր Առևտրային հաշվառքի սարքերով ունեցել են 1 մլն կՎտժ և ավելի սպառում՝ մինչև 2024 թվականի փետրվարի 1-ը,

3) «6 (10) կՎ լարման այն Սպառողները, որոնք նախորդ օրացուցային տարում՝

ա. իրենց որևէ 6 (10) կՎ լարման Առևտրային հաշվառքի սարքով ունեցել են 1 մլն կՎտժ և ավելի սպառում՝ տվյալ հաշվառման կետի մասով՝ մինչև 2025 թվականի փետրվարի 1-ը,

բ. իրենց 6 (10) կՎ լարման բոլոր՝ 12 հազար կՎտժ սպառումը գերազանցող Առևտրային հաշվառքի սարքերով ունեցել են 1 մլն կՎտժ և ավելի սպառում՝ մինչև 2025 թվականի օգոստոսի 1-ը,

4) այն սպառողները, որոնք նախորդ օրացուցային տարում իրենց բոլոր՝ 12 հազար կՎտժ սպառումը գերազանցող Առևտրային հաշվառքի սարքերով՝ անկախ լարման մակարդակից, ունեցել են 1 մլն կՎտժ և ավելի սպառում՝ մինչև 2026 թվականի փետրվարի 1-ը,

5) այն սպառողները, որոնք նախորդ օրացուցային տարում իրենց բոլոր՝ 12 հազար կՎտժ սպառումը գերազանցող Առևտրային հաշվառքի սարքերով՝ անկախ լարման մակարդակից, ունեցել են 500 հազար կՎտժ-ից մինչև 1 մլն կՎտժ սպառում՝ մինչև 2027 թվականի փետրվարի 1-ը,

6) այն սպառողները, որոնք նախորդ օրացուցային տարում իրենց բոլոր՝ 12 հազար կՎտժ սպառումը գերազանցող Առևտրային հաշվառքի սարքերով՝ անկախ լարման մակարդակից, ունեցել են 250 հազար կՎտժ-ից մինչև 500 հազար կՎտժ սպառում՝ մինչև 2028 թվականի փետրվարի 1-ը,

7) այն սպառողները, որոնք նախորդ օրացուցային տարում իրենց բոլոր՝ 12 հազար կՎտժ սպառումը գերազանցող Առևտրային հաշվառքի սարքերով՝ անկախ լարման մակարդակից, ունեցել են 100 հազար կՎտժ-ից մինչև 250 հազար կՎտժ սպառում՝ մինչև 2029 թվականի փետրվարի 1-ը,

8) այն սպառողները, որոնք նախորդ օրացուցային տարում իրենց բոլոր՝ 12 հազար կՎտժ սպառումը գերազանցող Առևտրային հաշվառքի սարքերով՝ անկախ լարման մակարդակից, ունեցել են 50 հազար կՎտժ-ից մինչև 100 հազար կՎտժ սպառում՝ մինչև 2030 թվականի փետրվարի 1-ը։

Նկար 3

Եթե Ձեր ընկերությունը մտնում է վերոնշյալ խմբերից որևէ մեկի մեջ՝ ըստ սպառման ծավալի և ժամանակացույցի, ապա

Կարևոր է ուսումնասիրել շուկայի առաջարկները
Գնահատել տարբեր մատակարարների պայմանները
Ընտրել այն մատակարարին, որն առավելագույնս համապատասխանում է Ձեր բիզնեսի կարիքներին՝ թե՛ գնային քաղաքականությամբ, թե՛ ծառայությունների որակով

Ազատ շուկայում ճիշտ ընտրությունը կարող է էական ազդեցություն ունենալ Ձեր բիզնեսի ծախսերի և մրցունակության վրա։

OHM ENERGY-ն էլեկտրաէներգետիկական ազատականացված շուկայի մատակարար է 𝟮𝟬𝟮𝟮թ․-ից։