Հայաստանում արևային էներգիայի մեծ ներուժի և «ՕՀՄ Էներջի» ընկերության առավելությունների մասին «Կոտայք TV» -ի եթերում

Հայաստանն ունի արևային էներգիայի մեծ ներուժ (1մ² հորիզոնական մակերևույթի վրա արևային էներգիայի հոսքի միջին տարեկան արժեքը կազմում է 1720 կվտժ/մ², իսկ հանրապետության տարածքի մեկ քառորդն օժտված է տարեկան 1850 կՎտԺ/մ² ինտենսիվությամբ արևային էներգիայի պաշարներով) (նկ․1., աղբյուրը՝ Global Solar Atlas):

Այստեղ պետք է ասել, որ արևային կայանների արտադրողականությունը վահանակների տեսանկյունից կախված է 3 հիմնական կարևոր եղանակային պայմաններից. այն է՝ օդի մաքրություն, ջերմաստիճան և արևի ճառագայթման ինտենսիվություն, ընդ որում՝ քանի որ ՀՀ տարածքում առկա են կլիմայի գրեթե բոլոր տարատեսակները` չոր մերձարևա­դարձայինից մինչև ցուրտ բարձրլեռնային, ապա ավելի բարձր է արտադրողականությունը մաքուր օդի, ավելի ցածր ջերմաստիճանի և արևային բարձր ինտենսիվության միաժամանակյա ապահովման պայմաններում․ դա է պատճառը ելքային մեծ արտադրողականության և ավելի մեծ եկամուտների, որով էլ պայմանավորված է նաև տեղական և դրսի ներդրողների մեծ հետաքրքրվածությունն այս ոլորտում։